| பயிர் பாதுகாப்பு :: கரும்பு பயிரைத் தாக்கும் பூச்சிகள் |
|
நுனிக்குருத்துப் புழு: சிர்ப்போபேகா எக்ஸ்செர்ப்டாலிஸ்
|
தாக்குதலின் அறிகுறிகள்:
- இப்பூச்சியின் புழுக்கள் கரும்பின் நுனிப்பகுதியில் அதிகம் காணப்படும். வளரும் இளந்திசுக்களைத் துளைத்து, உட்சென்று, தண்டின் சாறுள்ள பகுதியை அடைந்துவிடும்.
- வளர்ந்த கரும்பில் நடுக்குருத்து காய்ந்து விடும். இதனை இழுத்தால் எளிதில் வெளிவராது.
- வளர்ந்து வரும் இலைகளில் இணைவரிசையில் சிறு சிறு துளைகள் காணப்படும்.
- நுனிக்குருத்தில் பூச்சியினால் துளைக்கப்பட்ட துளைகள் காணப்படுவதோடு, கரும்பின் நுனியில் கிளைப்புகள் தோன்றி பார்ப்பதற்கு முடிக்கொத்துப் போல் தோன்றும்.
|
| |
 |
 |
 |
 |
| |
நடுக்குருத்து காய்தல் |
துவாரங்கள் |
நடுத்தண்டில் துளைகள் |
முடிக்கொத்து தோற்றம் |
|
பூச்சியின் விபரம்:
- முட்டை:மேல் சோகையின் அடிப்புறம் நடுநரம்பின் அருகில் முட்டைகள் இடப்பட்டிருக்கும். இம்முட்டைக் கூட்டங்கள் ரோமங்களால் சூழப்பட்டிருக்கும். 10-80 முட்டைகள் வரை ஒரே கூட்டமாகக் காணப்படும்.
- இளம்புழு: வெள்ளை நிற மென்மையான உடலில் சிகப்பு நிற கோடு நடுவே காணப்படும். இதன் தலை மஞ்சள் நிறமாக இருக்கும்.
- கூட்டுப்புழு: கூடானது புழு வெளியேறக்கூடிய ஒரு பக்க துளையுடன் கட்டப்பட்டிருக்கும். கூட்டுப்புழுப் பருவம் 6-21 நாட்கள்.
- பூச்சி : வெள்ளை நிறமாகவும், வயிற்றுப்பகுதிக்கு கீழ் ஆரஞ்சு கலந்த மஞ்சள் நிற ரோமங்கள் பெண் பூச்சியில் கொத்தாக காணப்படும்.
|
| |
 |
 |
 |
 |
| |
முட்டை |
இளம்புழு |
கூட்டுப்புழு |
பூச்சி |
|
| கட்டுப்படுத்தும் முறை:
உழவியல் முறைகள்:
- கோ 419, கோ 745, கோ 6516 போன்ற எதிர்ப்பு இரகங்கள் அல்லது கோ 859, கோ 1158, கோ 7224 போன்ற தாக்குதலைத் தாங்கி வளரக் கூடிய இரகங்களைப் பயிரிடலாம்.
- சோகை பரப்பிப் பின் மண் அணைத்தல் செய்யலாம்.
- வெள்ளைச் சோளம், மக்காச் சோளம் போன்றவற்றை ஊடுபயிராக இடுதல் கூடாது.
- இரட்டைப் பார் முறையைத் தேர்வு செய்வது சிறந்தது.
- குருத்து வாடியுள்ள பயிர்களை நீக்கி அழித்து விடலாம்.
இயற்பியல் முறைகள்:
- முட்டைக் குவியலை சேகரித்து அழித்து விடவும்.
- இப்பூச்சித் தாக்குதல் கண்ட நாளிலிருந்து 4 நாட்களுக்கு ஒரு முறை சுழற்சி முட்டைக் குவியலைச் சேகரிக்க வேண்டும்.
உயிரியல் முறைகள்:
- முன் கூட்டுப்புழு ஒட்டுண்ணியான கேம்பிராய்டஸ் (ஐசோதிமா) ஜாவென்சிஸை 100 ஜோடிகள்/ ஹெ என்ற அளவில் வயலில் விடலாம்.
- ஒட்டுண்ணிகளால் அழிக்கப்படாத முட்டைக் குவியலை சேகரித்து 30 சல்லடை நைலான் பைகளில் போட்டு வைத்தால், முட்டையிலிருந்து வெளிவரும் இளம் புழுக்கள் அழிக்கப்படும்.
வேதியியல் (அ) இரசாயன முறைகள்:
- வெப்ப மண்டலப் பகுதிகளில் 3வது புழுக்கள் வெளி வருவதற்கு 10 நாட்களுக்கு முன் கார்போஃபியூரான் 3 ஜி 1 கி.கி ர.ஐ (a.i)/ஹெ அல்லது திம்மெட் ஜி 3 கி.கி a.i /ஹெ குருணைகளை இடலாம்.
- வேர் மண்டலத்திற்கு அருகே சிறு பாத்தி அமைத்து குருணைகளை இட்டுப் பின் சிறிது நீர் பாய்ச்சலாம்.
|
Content Validators:
Dr.V.Jayakumar, Senior Scientist (Plant Pathology), Sugarcane Breeding Institute, Coimbatore -641007.
Dr.T.Ramasubramanian, Senior Scientist (Entomology), Division of Crop Protection, Sugarcane Breeding Institute, Coimbatore -641007.
Dr.M.Ravi, Assistant Professor (Entomology), Krishi Vigyan Kendra, Sirugamani- 639115.
Source of Images:
http://agropedia.iitk.ac.in/sites/default/files/8%20pupae.jpg |
|
